‘’21 დეკემბერს, მსოფლიოს მასშტაბით, ეპოქალური პერიოდი იწყება, რაც სამყაროში მიმდინარე პროცესებს რადიკალურად შეცვლის, თუმცა, ამ დღეს არავითარ წარღვნას, ნგრევას და სამყაროს აღსასრულს არ უნდა ველოდოთ", - ასეთია ასტროლოგ მიხეილ ცაგარელის პროგნოზი, დღეზე, რომელმაც სრულიად მსოფლიო საგონებელში ჩააგდო.

''პრესა.ჯი'', სამყაროს აღსასრულად მიჩნეულ თარიღზე, მიხეილ ცაგარელს ესაუბრა:

''პრესა.ჯი'': რა გველოდება 21 დეკემბერს?

მიხეილ ცაგარელი: 21- ში დედამიწა მერწყულის დიდ ეპოქაში გადადის. იწყება  მატრიარქატის პერიოდი.

- როგორ აისახება ეს ყოველივე ადამიანებზე, სამყაროზე?

- მოსალოდნელია  კატაკლიზმები, მიწისძვრა, კლიმატის გაუარესება. შეიძლება გაითიშოს კომუნიკაცია, ინტერნეტი.

რაც შეეხება ბუნებრივ კატაკლიზმებს, ეს საფრთხე ყველაზე ნაკლებად მოსალოდნელია. თავისი ბუნებრივი ველის გათვალისწინებით. გირჩევთ,  გადადოთ მოგზაურობა თვითმფრინავით და მიხედოთ ჯანმრთელობას. რადგან კლიმატის ცვლილება თანდაყოლილი დაავადების მქონე ადამიანებზე ყველაზე მეტად აისახება.

  წყარო www.presa.ge